Danaliq.com https://danaliq.com/ Radio Mon, 13 Jan 2025 10:26:20 +0000 en-US © 2026 Danaliq.com Radio Danaliq.com Radio Danaliq.com danaliqcom@gmail.com clean Danaliq.com danaliqcom@gmail.com Radio No https://wordpress.org/?v=5.5.18 Сиздиң шахсыңыз https://danaliq.com/podcast/710/ Tue, 26 Jul 2022 11:38:53 +0000 webmaster https://danaliq.com/?post_type=podcast&p=710 Ассалаума әлейкум, қәдирли тыңлаушы. Бизлер әлле өашан, инсан ДНК сы қаншалық бир биринен түптен ажралып турыуын билип алдық. Бул дүньяда хәттеки коинатта да сениң ДНК каңыз бенен бирдей болған адамды таппайсыз. Сонысы анық, Кудай хәр түрли болғанды жақтырады. «Әтрапқа қараң хеш биримиз, бир биримизге уқсамаймыз. Қудай интроверт хәм экстровертларды жаратқан. Ол бир түрли я болмаса хәр түрли болғанды жақсы көретуғын адамларды жаратқан Гейбиреулеримизди ойлайтуғын. ал басқа биреулерди сезими күшли етип жаратты. Гейбиреулери жеке өзи ислеуге жақсы, ал басқалар болса, команда болып топар да ислегенди жақсы көреди. Муқаддес китап былай деп айтады: Руухый тәсир етиу, хәр қыйлы бирақ хәр қандай тәсир бериуди әмелге асырған, жалғыз Қудайдың Өзи. Муқаддес китаптың бетлерин ашсақ, елшилер тууралы оқысақ. олардың хәр түрли шахстағы адамлар болғанлығы хәм олардың арасында келиспеушиликлер болып турғанлығын көресиз. Қудайдың хызметине мине, усы темперамент тууры келеди, ал мынау болса тууры келмейди деген нәрсе жоқ. Бизлер жәмәәтти бир турыста услап турыу ушын, хәр түрли адамлар керек. Сонда жәмәәт сулыу болады. Сиздиң шахсыңыз Қудай берген руухый сыйлар хәм қабылетлерди қайсы жерде хәм қалай ислеткениңизде тәсир етеди, ойлап көриң. еки адамда хош хабар айтыу қабылети бар. Олардан биреуи интроверт ал басқасы экстроверт. Бул сый хәр түрли жол менен ислетиледи. Ең қууанышлысы еки түрли жол менен де Қудайдың хызмети ең жоқары дәрежеде орынланады. Егер сениң қабылетлериңе хәм шахсыңызға тууры келмейтуғын ис пенен шуғыллансаңыз ашыуланасыз, көп мийнет етесиз, тер төгесиз, бирақ ақыбетинде аз натийжеге ерисесиз.Керисинше болса исиңиз кеулиңиздегидей болады. Сонлықтан басқаларға қарап турып, оларға уқсап қалыу керек емес. Сиз Ол болмайсыз, ал ол болса сиздей болмайды. Бизлер тап сондай рең берилген шийшелерге уқсаймыз. Хәр биримиз Қудайдың нурын, хәр түрли көринисте хәм хәр түрли реңлерде көрсетемиз. Бул болса Қудайдың шаңарағын жарылқайды. Қудай сизлерди не ушын жаратқан болса сол нәрсени орынлағаныңызда өзиңизди жақсы сезесиз. Артықша қорқпайсыз да. Сиз қәлиплескен хәмде қәлиплесиуди дауам ететуғын шахс адамсыз.Сиз өмириңиз дауамында басыңыздан кеширген уақыялар арқалы қәлиплескенсиз. Қудай өмириңизде болған жағдайлар хәм уақыяларды. өзи қәлеген қәлипке келтириу ушын жол қойған. Ең алды менен шаңарақтағы жағдай. сиз шаңарақ ишинде улғайып, ол жерден нени үйрендиңиз? кандай билим алғансыз? Оқыу дәуиринде қандайда фәнлер сизлер үшын қызық болған шығар. Соннан кейин жумыс иследиңиз. ис уақтында. сен өзиңе тууры келетуғын, жағатуғын исти таптыңыз. Соннан кейин руухый тәжрийбелер, Қудайдың хызмети. қыйын жағдайлар, булардың хәммеси, сизди хәзирги жаңдайға келтирген. Бирақ исениң Қудай еледе сизди қәлиплестириуди тоқтатқан жоқ .

]]> clean no 2:55 webmaster No no Ирада күши https://danaliq.com/podcast/709/ Tue, 26 Jul 2022 11:38:19 +0000 webmaster https://danaliq.com/?post_type=podcast&p=709 Ассалаума әлейкум, адамды түрли қыйыншылықлардан хәм ташуишлерден шығыуға жәрдем беретуғын нәрсе. бул ирада. Ирада хәр бир адамның алдына қойған мақсетине жәрдем беретуғын қабылет, Солай екен, бүгин сизлер менен қалайынша ирадамызды өткирлеуге жәрдем беретугын базыбир нәрселер тууралы сөйлесемиз. Бириншиден хәр күни қылатугын қарарларыңызды азайтың. Инсан күн дауамында мисли көрилмеген қарарлар қабыл етеди. Келли Макгонинал Ирада күши оны қалай рауажлантырыу хәм беккемлеу мүмкин деп аталған китабында жазылыуынша бир ғана ауқатты таңлау ушын күн дауамында 400 ге жақын қарар қабыл етиледи.Яқ қәте жазылмады. Тек, сиз бул шексиз майда қарарларды сезбейсиз.Олардың хәр бири, адамның мийин шаршатады хәм күнниң соңында руухан шаршауға да алып келеди. Сонлықтан күн дауамында қабыл ететуғын қарарларыңызды анализ қылың хәм олардың санын азайтыуға хәрекет етиң. Мысалы ертең қандай кийим кийиуди, тусликте хәм кешки уақытта қандай ауқат жеуди режелестирип алың. Усындай етип күнлик хәрекетлериңизди автоматластырың. Ең әхмийетли қарарларды күнниң биринши ярымында қабыл етиң. Психологлар Эгоның таусылыуы тууралы сөз жүргизеди. Бул күн дауамында қарар қабыл етиу я болмаса өз хәрекетлериңизди бақлап барыу ушын шекленген муғдарда руухый күшке ийе екенлигиңизди билдиреди. Сонлықтан қыйын болған машқалаларды, РУУХЫЙ КУШИҢИЗ ТОЛЫ БОЛҒАН УАҚЫТТА ЯҒНЫЙ ТАҢ СӘХӘРДЕ шешкен жақсы. Тууры шешим қабыллау ушын мийге глюкоза керек.Ең дана адамда жетерли уақыт дем алмаса я болмаса денесинде глюкоза дәрежеси төмен болса, тууры шешим қабыллай алмайды. Сатыушыларда буны сезген. Супермаркетлерде конфет хәм гәзленген суу әдетте кассаға жақын жерде турады. Қарыйдар пүткил дүканды айланып шығып, онлаған қарарларды қабыл етеди, мийи шаршайды, зыян болған Коко – кола оның көзине жағымлы болып көринеди хәм сатып алады. Ирадаңыз күшли болыуын қәлесеңиз тойып уйықлаң. Изертлеулер натийжелерине қарағанда, тойып уйықламаған адам, өз хәрекетлерин мәс адам сыяқлы басқарады. Алты сағаттан кем уйықлау, мийдиң қарар қабыл етиу менен байланыслы болған бөлимине сәлбий тәсир етеди.Буннан тысқары, шаршаған адам тез ашыуланады. Басқалар менен пикирлесиң. Егер тажрийбе есапқа алынбаса, адамлар арасындағы қарым қатнаслар табыслы болыуының гиреуи Басшылар хәм исшилер ортасында жақсы мүнәсебет орнатылған компаниялар, улкен табысларға ерискен. Не ушын? Егер өзара мүнәсебетлер жақсы жолға қойылса, барлық пикирлер бирлеседи, қыйын уазыйпалар биргеликте орынланады. Бир уақытлары қәлеулериңизге ерк бериң. Егер жудә шаршағаныңызды сезсеңиз денеңизге бойсының. Спорт тренерлери хәм диетологлар өз қол астындағыларға «қәлеу күни» белгилеулери бийкарға емес. Егер хәптеде алты күн пархез қылсаңыз, жетинши күни кеулиңиз қәлеген нәрсени жең. Жууапкершиликти мойныңызға алсаңыз. әхмийетли шешим қабыл етиуиңизге аңсат болады. Мазалы тести Өзин қадағалау атлы китаптың авторы Уолтер Митчелл мынандай мәсләхатты айтады. Егер сиз хәр күни спорт пенен шуғылланыуды қәлесең оны жууапкершиликке айлантырың. Хәр күни азанда жүгирмекши болсаңыз, өзңизге шерик табың деп айтады. Сонда оның алдында уялып қалмау ушын хәр күни азанда турыуға хәм келисимди бузбауға мәжбүр боласыз. Беккем ирада, табысқа ерисиу ушын көбирек имкан береди.

]]> clean no 3:22 webmaster No no Қутқарылыу өзи не? https://danaliq.com/podcast/708/ Tue, 26 Jul 2022 11:37:41 +0000 webmaster https://danaliq.com/?post_type=podcast&p=708 Ассалаума әлейкум қәдирли тыңлаушы. Бүгинги сәубетимиз, сениң өмириң хәм Қудай хаққында түптен жаңа болған жарқын пикирлерди усынады.Сиз енди таубе еткен, ямаса Муқаддес Китап муғәллими хәм жәмәәт шопаны болыуыңыздың әхмийети жоқ.Хәтте Ийса Масийхты қабыл етпеген болсаңызда бизлердиң сәубетимизди тыңлауыңыз мүмкин. Қудай сени гумансыз тынышлық пенен берекетлейди, себеби бүгинги сәубетимиз сиз ушын берилген сауға болады. Муқаддес китапты оқыған адамлар Масийхта жасырын болған көплеген берекетлерге ийе болып тууры Масийхый өмир сүриуди қәлейди.Олар шынында дууа кылғанда зауықланыуы хәм өмирлериниң хош хабар келисими,тапсырмалар дуньяға хош хабар тарқатыу да хәр бир бөлимде жеңиске ерисиуди қәлейди.Егер соны қәлесеңиз,әлибетте төмендегилерди есиңизде сақлауыңыз керек.Сизлерге Масийхыйлар шынында да ерисе алмай атырған я болмаса қәте түсинген базы бир нәрселерге қысқаша сорау-жууапларды берип өтемиз. Биринши « ушырасыу» ды баслаудан алдын өзиңизди тексерип көриң хәм Қудайдың Сөзин басқаларға жеткерип атырғанда бул сорауларды ядыңызда тутың.Мениң баслауыма нелер себеп болып атыр? Бул хәмме нәрсеге тәсир етиуин түсиниуиңиз керек.Егер буны жамәәтиңиздиң өсиуи ушын ислеп атырған болсаңыз, онда уакты келгенде ислериңиз жүриспейди. Егер ислериңиз жүриспей атырғанына

өзимниң күшим менен ерисемен деп ойласаңыз, онда сиздиң каншалық хәлсиз екниңиз көринеди.Хәр кандай жағдайда хақыйқый себеплерге кайтыуды умытпаң.Баслап атырғаныңызда Қудайдың алдында турып жүрегиңиз Оны уллыласын. Қудайдың режесин ашып, хош хабар айтың. Бул жүдә әхмийетли, себеби усы жол менен хәлсизлер Қудайдың қүдретинен күш аламыз, Қутқарылыу өзи не? Қутқарылыу бул Ийса Масийхқа исенген уақтымыздан, хәммеси зор болады дегеени емес. Қкутқарылғанымызда машқалаларымыз бирден шешиледи деп ойлауымыз тууры болмайды Бирақ, көпшилик қутқарылғанда сондай болады деп есаплайды. Жүдә көп жәмәәт шопанлари да усылай ойлап қәте қылады. Қутқарылғанымызда бар итибарымызды машқалаларымыздың бир пәсте шешилиуине я болмаса кеселликлеримизден шыпа табыуға қаратпауымыз керек Қутқарылыу бундай нәрселерден де қәдирли Филипликлерге 1:6 да айтылғанындай Қутқарылыу бул Қудайдың Масийх Ийсаның келетуғын күнине шекем толық тамамлайтуғын қайырлы ис. Қудай хеш қашан, Өзи өлимнен қутқарған халқын таслап қоймайды. Оның Өзи баслаған исин жуумақлайды. Мине бул қутқарылыу. Сонлықтан кимгедир Тек Ийса Масийхқа жалбарын, сонда хәммеси жақсы болады. деп айтыу тууры емес. Әлбетте машқалалаардың Масых тың аты менен шешим табыуы тууры бирақ егер шешим таппаса Масийхтың күши жетпей атырыпты дегениме? Яқ. Ондай емес. Егер Оның аты шақырылғанда хәммеси жақсы болса, қууғынға ушыраған биринши ж»мәәттиң ағзалары я болмаса хәдден тысқары қыйын жағдайларға түскен Дауыт Яқып Данияр пайғамлар тууры емес исенимге ийе болған дегениме Әлбетте ондай емес. Сәубетимизге қызығып қалған болсаңыз кейинги сәубетимизди өткизип жибермең Бул хаққында толық мағлыуматты бизледиң qanaliq.com сайтымыздан табасыз.

]]> clean no 3:07 webmaster No no Мен пәрисейменбе? 2- бөлим https://danaliq.com/podcast/707/ Tue, 26 Jul 2022 11:36:49 +0000 webmaster https://danaliq.com/?post_type=podcast&p=707 Ассалаума әлейкум қәдирли тыңлаушы. Бүгин өткен сапардағы жуумақланбай қалған гууалығымды жуумақлақлау мақсетиндемиз Қудайдың сөзин оқығаныңызда, Қудай сиздиң хәракетлериңизди ой пикириңизди ашып таслауын көресиз. Сондай болады деп исениң. Бирақ мен Қудайдан қәтелеримди көрсетиуин сорап дууа еттим Натийжеде, Қудайдың маған көрсеткенлеринен уялдым. Мен өзимди сондай адамман деп, хеш ойламаған едим.Қараң, әтрапымызда қаншадан қанша исениушилер бар. Олардың арасында, өзиниң Қудайдың нәзеринде ким екенлигин хәм қандай ис тутып атырғанын билмейтуғынлар қанша деп ойлайсыз? Сизде өмириңизге нәзер салып көринши. Бирақ, мениң оқығанларым хәм Қудай маған ашып бергенлери хаққында бөлиспекшимен. Егер сиздиң де өмириңизде, Қудай берген ашықлық я болмаса қандай да гууалық болса бизлерге danaliqcom телеграм каналымызға жиберин. Енди болса гууалықтың калганын еситиң. Қудайдың сөзин оқығанымда, Қудай бирме бир өмирде натууры жасап атырғанымды көрсетер еди. Кейинги аят мынадай болды: Абайлы болыңлар, сауап ислериңизди адамларға көрсетип кылмаңлар. Олай етсеңлер, аспандағы Әкеңизден сыйлық алмайсзлар. Биреуге садақа бергениңиз хаққында хәммеге жар салып жүрмеңлер. Еки жүзли адам ғана адамлардан мақтау алыу ушын ибадатханаларда хәм көшелерде қылады. Сизлерге шынын айтайын, олар өз сыйын алып болды.Ал сиз болсаңыз садақа бергениңизде, оң қолыңның не ислеп атырғанын шеп қолың билмесин. Садақаңызды хеш кимге билдирмей бериң. Жасырын қылған бул исиңизди көрген Қудай, сизди сыйлықлайды. Сиздиңше садақа тек ақша ма? Мениңше бул хәр қандай жүректен шығарып қылынған ис Әлбетте мен адамларға ақша менен садақа бералмайман, бирақ мийнетим хәм күшим менен жәрдем бере аламан. Буннан қууанаман. Бирақ…. Бирақ буннан кейин усы қылған исим хаққыында айтсам қылған исим жоққа шығар екен. Бундай сауаптан маған не пайда? Мен Қудайдан мақтау алыу орнына, адамлардан мақтау күткен екенмен. Қандай ақмақлық. Мен оқыуды дауам еттим. Қудай былай деди: Ийса халққа насийат берип және былай деди: Диний муғаллимлерден абайлы болыңлар. Олар узын кийимлер кийгенди жақсы көреди, базарларда адамлар оларға сәлем бериулерин, ибадатханаларда жақсы жерлерде отырыуды, зыяпатларда төрде отырыуды унатады, менде азғана болсада усындай нәрселерге бейим екенимди сездим хәм уялып кеттим. Менде маған хүрмет пенен қарым қатнаста болыуын, маған улкен хәм уллы бир адамға қарағандай қарауын қаледим, бул мениң хайран болыуымды хәмде жек көриуимди асырды. Қалыйынша мен өзим жек көрген исти қылып атырған болсам? Ауа сизде де усындай жағдайлар болдыма? Ол мениң қаншалық абайламаслық хәм итибарсызлық пенен парисейге уқсап баратырғанымды көрсетти. Себеби, олар өзлери айтқанларын қылмайды. Олар көтере алмайтуғын ауыр жүклерди биреулерге жүклейди. Хәмме ислерди басқалар көрсин деп қылады. Соның менен зыяпатларда төрде отырыуды хәм ибидатханаларда жақсы жерлерде отырыуды жақсы көреди. Базарларда адамлар оларға сәлем берип, устаз деп айтыуларын жақсы көреди. Кейин болса оның изинен шешим келди. Араңызда ким бас болса, сизлерге хызмет қылсын. Себеби ким де ким өзин өзи жоқары тутса, пәслетиледи, ким өзин пәс тутса, ол жоқары болады. Мениң түсингеним, оған бола ис тутсам өзгеремен хәм Қудайды разы қылған боламан. Усы күннен баслап, өмиииме хәм хәрекетлериме дыққат пенен қарайтуғын болдым.

]]> clean no 3:27 webmaster No no Мен пәрисейменбе? https://danaliq.com/podcast/706/ Tue, 26 Jul 2022 11:35:58 +0000 webmaster https://danaliq.com/?post_type=podcast&p=706 Ассалаума әлейкум қадирданлар. Бүгин иманлылардың өмиринде тез тез ушырап туратуғын бир жағдай менен гууалығым арқалы бөлиспекшимен. Жақсылап тыңлап көрип сиздиңде өмириңизде усындай жағдай жоқпекен карап көриң. Демек хәммеси бирғана дууа етиуден басланды. Бир күни өмиримде Қудайдың Руухы жетпей атырғанын сездим. Хәр бир күним бирдей тәртипсиз хәм шаршаудан ибарат еди. Ойлап қарасам барлық алдымнан шыққан жумысларды өзимниң күшим хәм хәрекетлерим менен қылып атырған екенмен. Қудайға дууа еттиңбе дейсизбе Әлбетте Оған дууа еткенмен бирақ натийжесин көрмедим. Бул Қудайдың маған жәрдем бермей атырғанлыгының белгисин билдирмейди Негизинде былай ис қылғанман Ойлап көриң Бир бала әкесине келип Әке маған мына исти қылыуға жәрдем бериң деп айтады бирақ әкесне қылыуға бермей өзи шешиуге хәрекет қыла береди Әкеси болса Яқшы маған бер дегенин еситпей өз иси менен бәнт болып әкесиниң сөзлерин еситпейлиМенде де сондай болған Бир күни китап оқып отырғанда буны Қудайдың Өзи түсиндирди Қудайдың сөзин оқып болып дууа еттим Мениң өмиримде сондай қүдирет пенен ислеуиңди қәлеймен деп бирақ негедир буны басқалардың өмиринде қылып атырғанлығын ғана еситемен Усы еткен дууамнан кейин Қудай мениң көзлеримди ашты Қандай дууа еткенимди хәмде қолымдағы ислеримди Оған бермей атырғанымды түсинтирди Мен өз күшим менен ис кылыуға үйренип қалған екенмен Бул ис ушын Қудайды әуере қылыудың кереги жоқ буны өзим қыла аламан деп ойлап барлық алдымнан шыққан ислерди шайнамай жутыуға үйренгенмен Ақыбетинде не болыуын билесиз Ислериңиз кеуилдегидей болмай хәдден тысқары денени шаршатып ашыуланыу кеселлик тәртипсиз өмирге алып келеди Бундай жағдай адамды қатты шаршатады Бул Қудайдың маған көрсеткен биринши нәрсеси еди Кейингиси мени жүдә есеңкиретти Муқаддес китап былай дейди Қудайдың сөзи тири хәм тәсирлиОл еки жүзли қылыштанда өткир болып жан менен руухты бууын менен сүйеклерди бөлетуғын дәрежеде суғылып киреди ол жүректеги ой хәм пикирди әшкара қылады Буның шынлығында да солай екенлигин басынан өткерген адам биледи Солай етип Қудайдың сөзин оқып турған уақтымда Қудай маған сенде парисейлердей болып жасап атырсаң деп айтып қалды Мен хайран қалып оқыуды дауам еттимОқып отырып бундай болыуы мүмкин емес Мен парисейлерди я болмаса өзин усылай тутатуғын адамларды жек көремен дедимБирааө Қудай маған бул ретте Муқаддес китап арқалы жууап көрсетти Ол көрсеткен жууап былай еди Матта 5:46-47 Егер сизлер өзлериңизди сүйгенлерди ғана сүйсеңлер, қандай сыйлық аласызлар? Салықшылар да солай ислемейме Сизлер тууысқанларыңыз бенен ғана сәлемлессеңлер, онда қандай өзгешеликлериңиз бар? Бутқа табыныушылар да солй ислемейме? Аспандағы Әкеңиз кәмил болғаны сияқлы сизлерде кәмил болыңлар Мен өмиримди хәм хәр бир күнимди тексерип көрдим Шынында да сондай екен Жудә көп болмаса да бирақ мен сәлемлеспейтуғын адамлар бар екен Матта 6:1-2 1.-Абайлаңлар, сизлер сауап ислериңизди адамларға көрсетиу ушын, олардың алдында ислемеңлер. Олай етсеңлер, сизлерге аспандағы Әкеңизден сыйлық болмайды. 2.Солай етип сен қайыр садақа бергениңде, еки жүзлилер сыяқлы өз өзиңнен жар салма. Бундайлар адамлаар мақтасын деп, мәжилисханаларда хәм көшелерде усылай ислейди. Сизлерге шынын айтып турман: олар әлле қашан өз сыйларын алып болды.Мен бул аятларды оқығанымда Қудай маған өзимниң қандай екенимди хәм қәтелеримди көрсеткен еди.

]]> clean no 3:29 webmaster No no Рухый бир болыу https://danaliq.com/podcast/705/ Tue, 26 Jul 2022 11:35:16 +0000 webmaster https://danaliq.com/?post_type=podcast&p=705 Ассалаума әлейкум қәдирли тыңлаушылар. Бүгин сизлердиң итибарыңызға усынбақшы болған гуалығымызды биринши рет еситкенимде, Қудайдың бир сөзи есиме тусти. Келиңлер, оны сизлерде және бир рет еситип көриң, хәм сәубетимиз жууумағында бул аят гууалығымызға қаншалық тууры келгенине исенимиңиз кәмил болады. «Сонлықтан ер адам ата-анасын қалдырып,өзиниң хаялына қосылады хәм екеуи бир дене болады» Буны еситкен хәр бир исениуши Қудай не айтпақшы болғанын түсинеди.Олар денеде емес рухый бир дене болып қалады.Әлбетте хәмме шаңырақлар хаққында бундай деп айталмаймыз.Буның ушын оларға және бир нәрсе керек.Буны гуалығымыздың соңында билип аласыз.Енди гуалығымызды еситиң. Белгили уазшы Керри Блейк балалығы хаққында усындай гуалық береди.

«Сол уақытта апам менен ағамның арасында бундай рухый жақынлық барлығын түсинбеген едим.Өсип Қудайдың Сөзин өзим оқығаннан кейин,еки исениуши шынында да бир дене бир рухта болса, олар сөйлеместен алдын, бир бирине не ушын кереклигин билиуи, бир бирине қарап,кеуиллеринде не ойлап атырғаны,ямаса не қыйнап атырғанын түсинип жеттим Ағам полицияшы еди, есимде бар, бир нешше мәрте апам түнде мени турғызып: »Тур ағаңа бир нәресе болып қалғанға усайды, дууа етемиз» дейтуғын еди. Бизлер улкен бөлмеге кирип, апам дизеде отырып, мен болсам жүрип дууа етер едим.Сол уақытлары апамнан сорайтуғын едим:» Апа,сизге полиция департаментинен қоңырау еттиме? Яқ өзим билдим,кеулим сезди дейтуғын еди.

Шынындда бизлер дууа етип жуумақлағанымызда, бес он минут өткеннен кейин қоңырау болатуғын еди.Апам болса алдыннан сезип оның ушын дууа ететуғын еди.Қудайға шүкир,хәр сапар ағам өлимнен аман қалатуғын еди.Булардың хәммеси ерли зайыплылардың Қудайда бирдене бир жан болғанлығында екенин улкен болғанымда түсинип жеттим.Буннан тысқары Қудайға жақын болған адам Оның сөзлерин есите алады.Сол уақыттлары Қудай апама бул хаққында билдиргенин анық билемен. Апам жүрегиндеги Мухаддес Рух оған ағам ушын дууа етиуди билдирген. Буның қандай екенлигин Қудайға жақынласып, Оның қәлеулерин, еркин жүрегимизде еситкенимизден кейин, өзимде сезгенимде толығырақ түсинип жеттим.

Қудайға келген адам Қудайдың руухын қабыл қылады хәм Қудайдың еркин билетуғын болады. Көплеген жағдайларда буны түсиндире алмаймыз, бирақ Қудай бизлерден нени қәлейтуғынын билемиз.Жоқарыдығы аят :»Сонлықтан ер адам ата анасын қалдырып, өзиниң хаялына қосылады хәм екеуи бир дене болады.» бизлердиң Қудай менен руухый қарым қатнасымызды да көрсетеди.Қудайға шынында да жақын болған адам » Оның менен руухта бир болады Бирақ буның ушын хәр бир исениуши өзиниң пикирлеринде Кудайға масластырыуы керек Хеш нәрсеге қарамай Кудайдың пикирлерин өзиниң дүнявий пикирлеринен үстин қойғанда Кудай менен бирдей пикирде болады. Билиуимше ата анам тап сондай қылған. Қәдирли тыңлаушы бизлердиң сүхбетлеримиз сизге мақул келген болса бизлерди еситиуди дауам етиң хәм бизлердин www.danaliq.com сайтимизға кириң Бизлер болса сизлерге өмирден алынған Кудай менен қарым қатнасларда тууылған гууалықларды сизлердиң дыққатыңызға усынамыз.

]]> clean no 3:07 webmaster No no Тасбауырлықтан қутылыу https://danaliq.com/podcast/704/ Tue, 26 Jul 2022 11:33:48 +0000 webmaster https://danaliq.com/?post_type=podcast&p=704 Ассалаума әлейкум. Әтрапымызда тасбауыр адамларды көрсек оларға жек көриушилик пенен қараймыз. Жер усындай адамларды көтерип жүргенине хайран қаламыз. Бирақ бүгинги гууалығымыздың ийеси сениң пикириңди өзгертип. бундай адамлар ушын тек дууа етиу кереклигин уйретсе жаксы болар еди. Бир тууысқанымыз гууалығын былай баслаған еди: Биринши рет анам қамаған қараңғы жертөледе отырғанымда. мен өзимди хорланғандай сездим. Егер бул бир мәрте болғанда қорқынышлы болмас еди, бирақ бул жағдай жүдә көп такрарланды. Анам арзымаған қәтем ушын қарағы хәм ызғар жертөлеге қамап қояр еди. Гейде мениң жер төледе екенлигим, оның есинен де шығып кетер еди. Анамнан мийрим көриу орнына, тасбауырлықты көрдим. Әкемде мийримин көрсетуғынлардан емес. Солай етип, ержеткенимде адамлардан хеш қандай жақсылық күтпейтуғын болдым.Адамлар арасында мақтау алыуға ерисиу, мен ушын баслы мақсетке айланды. Адамлар мени жақсы таныуы, жетискенликлериме жетерли баха бериуине үмит етип көп иследим. Қаншама көп ислесем басқаларға соншама сууық карым қатнаста болдым. Хеш кимниң мениң менен дос каби болыуына имкан бермедим. Олар маған хорлық хәм қайғыдан басқа нәрсе бермейди деп, исенер едим. Соған қарамай бир қыз мени жақсы көрип калды. Оны мениң қопаллығым қорқыта алмады. Өзимде сол қызды сүйип қалдым Турмыс қурдық. Жүрегимдеги хорланыу жарақаты еледе питпеген еди. Турмыс дауамында хаялымды көп қыйнадым. Тасбауырлығым себеп ол уйден кетип қалды. Не ислеуди билмей бир достыма жарылдым. Ол маған тууры жол көрсетти. Ол мени Кудайдың қутқарылыуына жетекледи Кудай Сөзи арқалы былай деди: «Сени жердиң төрт тәрепинен жыйнадым, Узақ жерлерден шақырып: Сен Мениң қулымсаң, Сени таңладым, тәрк етпедим», – дедим.Қорқпа, Мен сениң менен биргемен. Қәуетеленбе, Мен сениң Кудайыңман. Саған күш берип. Жәрдемлесемен. Азат етиуши оң қолым менен сүйеймен. ( Ийшая 41:9-10) Кудайдың бул сөзлери. Оның менен болған қарым қатнасым, Оның мухабаты өмиримди пүткиллей өзгертип жиберди. Жүрегим жумсақ болып. басқаларды қайғыратуғын болып қалды. Соннан кейин мен азап берген адамлардан бирме бир кеширим сорадым. Балалығымда мени хорлаған анамды кеширдим. Мийрим көрсетпеген әкемди кеширдим. Хаялымды хәм балларымды уйге қайтардым. Оларда мени кеширди. Өмир Кудай менен мазалы екенин толық түсинип алдым. Жүрегимдеги музлық шегинип, ол жерге бәхәр жетип келди. Мен тасбауырлықтан Кудайдың жәрдеминде Оның берген күши, муқаббаты хәм кеширими арқалы азат болдым. Бүгин бундай адамларды көрсем тек олар ушын дууа етемен. Себеби Кудай олардың көзлерин ашпаса инснның хәрекети пайдасыз. Қадирли тыңлаушы, сизлерде өзиңиздиң гууахликлериңизди басқалар менен бөлисиуди қәлесеңиз бизлердиң danaliqcom телеграм каналымызға жазып жибериң Сонда басқаларғада пайдалы болады

]]> clean no 2:51 webmaster No no Жалғаншылық дузағы https://danaliq.com/podcast/703/ Tue, 26 Jul 2022 11:29:01 +0000 webmaster https://danaliq.com/?post_type=podcast&p=703 Ассалаума әлейкум Бүгин хәммемизге таныс болған бир әдеттиң дузағынан қутылған бир тууысқанымыздың гууалығын тыңлаймыз Бундай әдеттен қыйналып атырғанлар бүгинги гууалықтан кейин тууры жолды тауады деп үмит етемиз Сәубетлесимиз былай деп айтады

Жалған адамның жүрегине қанша зиян келтиретуғынын көп адамлаар хәттеки аңламайды да Ол бизлерди Қудайдан узақластырады себеби Қудайдың жолынан шетке шығып толықлықта өмир кешире алмаймыз Егер Оның хақыйқаты сизлердиң жүрегиңизде болмаса Қудай сизлерди Өзине қарата алмайды Мен балалығымда жалған сөйлеуге үйренгенмен себеби хақыйқатты айтқанларды жазалағанларын көргенмен Буның үстине мениң тынышлықтағы өмирим тәжрийбеси соны көрсетти адамларға хақыйқатан ғөре жалғанды еситиу жағымлырақ екен Балалығымда қылған ислеримди жасырыу ушын жалған сөйлеген болсам үлкейгенде жалған сөйлеуге себеплер көбейди Жумысларымды да жалғаннан басладым Мен жумысқа кириуим керек болған жерге ең кеминде бес жыллық тажрийбеге ийе болған адамларды қабыл кылар еди Мен Сол жерде ислеуди қатты қәлегеним ушын жалған мийнет дәптерин жаздырып жасымды да улкен етип көрсетип жумысқа кирдим Бәрхама жалғаным әшкара болыуынан қорқар едим Солай болганда да уяттан жер жарылмады мен жерге кирип кетпедим Соннан кейин мен Кудайға исенип Оның жолынан жүрип кеттим Сонда мен бир уақыттың өзинде хәм Мухаддес Руух пенен хәм жалғанның әкеси менен келисимде болыу мүмкин емеслигин түсиндим Муқаддес китап былай деп айтады Жалған тил менен жыйналған байлық пуу хәм өлим дузағы (Хикм 21:6 ) Өзимде жалғанға бейимликти сезгеним ушын Кудайдың алдында тәубе еттим Өзим билмеген түсинбеген халда аузымнан жалған шығып кетгенде де тәубе еттим Жалған мени адамлар менен болатуғын тууры қарым қатнастың ләззетинен айырып мени Кудайдан да узақластырар еди Бир куни Кудай былай деди Хийлекерлик қылатуғын мениң сарайымда жасамайды Өтирик сөйлейтуғын көз алдымда тура алмайды (Заб 100:7)

Оның хүзиринен тысқарыда жақсы сезимлерге хәм шадлыққа ийе болыу мүмкин емес Мен айтқан хәр қандай жалған жүрегимниң бир бөлегин шайтанның ыхтиярына өткерер екен Шайтан болса жүрегимди рухый кеселликлерге өлимге алып баратуғын себеплерге толтырады Буннан тысқары хеш қандай жалғансыз Кудайдың жарылқауы менен жетискен дәрежеме адамлардың хурметине бирғана жалған менен жоққа шығарамыз Мен болсам шайтанға бундай имкан бериуди рауа көрмеймен Соннан кейин жалғанды иңкар етип хақыйқатты айтатуғын болдым

]]> clean no 2:30 webmaster No no Күншиллик https://danaliq.com/podcast/702/ Tue, 26 Jul 2022 11:26:47 +0000 webmaster https://danaliq.com/?post_type=podcast&p=702 Ассалаума әлейкум. Күншиллик жақсы емеслигин билемиз, бирақ гейбир уақытлары өзимизди тоқтата алмаймыз. Мен өзимди. күншиллик жоқ деп ойлар едим. Бир куни Муқаддес китапты оқығанымда жүрегимде Қудайдың сөзлерин сездим: Өйткени қай жерде күншиллик хәм менменлик болса сол жерде тәртипсизлик хәм хәр түрли жаманлық болады «Якып 3:16« Кудай тек мениң жүрегимди көрсетип сөйлегендей болды. Хәзир сениң өмириңде тәртип жоқ себеби сениң жүрегиңде күншиллик хәм менменлик баар.деген Мен өзимди жоғалтып қойдым Күншиллик? Менде?

Соннан кейин Кудай мениң басқаларға хәм базыбир нәрселерге болған мүнасабетимди көз алдымнан өткерди Күншиллик мени өтмиштен, басым етип келген екен. Мен өзимди жақсы нәрсеге налайық деп есаплағанман Мен бәрқулла өзимде барынан көбирегин қолға киргизиуди қәлегенмен себеби менде айтарлықтай хеш нәрсе жоқ еди. Таза хәм анық сөйлей алатуғын я болмаса жақсы қосық айтатуғын адамларға күншиллик кылғанман. Кейинирек турмысқа шыққаннан соң досларымның уйлерин, жетискенликлерин көрип күншиллигим көбейер еди Олардан мениң қай жерим кем деген ой пикир жүрегимд кемирер еди. Хәр сапар мен қалеген нәрсеге ерискен адамларды көрсем Кудайга өкпелейтуғын едим. Кудайдың мени суйиуине де гуман қылар едим Өмиринде меннен кобирек иси журискен, меннен кобирек жетискенликке ерискен, мениң уйимнен сулыуырақ уйде жасап атырған адамларды көрсем күншиллик мени қоршап алар еди. Кейинирек бул мени батпақлыққа тартып атырғанын сезип қалдым Мен өзимди тоқтатыуым керек еди Күншиллигим ушын Кудайдан кеширим сорап тәубе еттим. Соннан кейин өмиримде болып атырған нәрселерди анығырақ көре басладым. Хәр сапар күншиллик қылғанымда мынадай өтирикке исенип қалғанымды сездим. Мен усы нәрсеге мүтажбен, сол адамда бар нәрсеге емес ал мен соған ылайықлыман Бирақ хақыйқат соннан ибарат мениң өмиримдеги хәмме нәрсе маған Кудай тәрепинен берилген. Күншиллик бул шайтанның усталық пенен қурған қапқаны. Күншиллик арқалы шайтан бизлерди Кудайдан бизлер ушын хеш қандай жақсы нәрсе жоқлығына исендирмекши болады Куншиллик бул бутпараслықтың тап өзи. Бул нәрселер тууралы ойлар екенмен Кудай маған және Сөзи аркалы сөйледи: «харамылық напсиқумарлық жаман қәлеулер хәм напсиқаулық болған бутқа табыныушылықты жоқ қылыңлар ( Колос 3:5 ) Соннан кейин Кудайдың жәрдеми менен базыбир нәрселерди ядымда сақлауға хәрекет еттим Кудай маған берген сыйларын көрип олар ушын Кудайға миннетдаршылық билдириуди уйрендим Бул да Кудайды уллылайды-ғо Неге Кудайды уллылайтуғын нәрселерге кууанбауым керек Кудай маған сый қылып берген қабылет тууралы еслеп журиуди басқа өзге нарселерге қарамауды уйрендим Соннан кейин өмиримде күншилликке орын қалмады Оның орнын Кудайға шүкирана айтыу менен толтырдым

]]> clean no 2:45 webmaster No no Қудайдың жеңиси https://danaliq.com/podcast/701/ Tue, 26 Jul 2022 11:25:13 +0000 webmaster https://danaliq.com/?post_type=podcast&p=701 Ассалаума әлейкум қадирли тыңлаушы. Бул уақыяның болғанына көп жыллар болған. Дәслеп бул хаялдың гууалығын еситкенимде бизлерде де сондай уақыялар болыуына исенгим келмеди. Бундай уақыялар тек батыс тәрепте болады деп, есаплар едим. Бирақ. бул хаял Кудайдың күши менен өзиндеги рухый хәлсизликти, азапларды хәм қуллықты жеңа алды. Келиң, оның гууалығын өзиңизде еситип көриң. Мен сол уақытлары жас қыз едим. Анам өзин басқаша тутар еди.Жас болғаным ушын анам неге өзин басқаша тутып атырғанлығын тусинбеген едим. Гейде жақсы журеди, бизлерди еркелетеди, гейде бақырып жылап және болар болмасқа кулер еди. Сол уақытлары анамызға жақынласыуға қорқатуғын едик. Мен уйде үш қыздан ең кишкенеси болғаным ушын үкелериме қарайтуғын едим. Оларды ойнатыу, ауқатлантырыу, уйықлатыу мениң уазыйпам еди. Анам сондай қолайсыз болсада әкем қызларға улыума итибарсыз еди. Гейде. бизлердин атрапында жүргенимизди сезбейтуғын еди Ол жумыстан келип тек укелеримди еркелетер еди, олардың қасында турған мени байқамайтуғын еди. Буған көнлигип кеткенмен. Сәл улғайғанымда анамның рухый кесел екенлигин билдим. Әкем оны өзи жақсы болып кетеди деп ойлаппа я болмаса емлетиуге ақша кетеди деп ойладыма анамды емлеуханаға жатқармаған. Бул қорқынышлы уақыя болғанда 12 жаста едим. Есимди танығаннан кейин шаңарағымыздың бундай екенлигинен қыйланып, бағымыздағы теректиң астында жылап отыратуғын едим. Меннен 5-6 жас улкен болған қоңсы бала келип мени ….Бул жағдайды еслеуди қәлемеймен. Бул мениң кеулиме ауыр тийеди. Онын қылғанларын, бир нешше рет уйдегилерге айтыуға урынып көрдим.

Бирақ мени еситетуғын хеш ким жоқ еди. Сол себепли. хеш кимге қосыла алмайтуғын жабайы хәм қопал қыз болып өстим. Класстағы, көшемиздеги балаларға улыума еркек затына болған жеркенишим күшли еди. Бул жеркеништен Ийса Масийхты өмириме киргизгеннен кейинде азат болмадым. Буннан кыйналар едим. Бул тууралы тынбай дууа еттим. Кудай дууаларыма жууап берди. Ол журегимди Мухаддес Руухына толтырды. Мен өзимди Мухаддес Руухтың ыхтиярына тапсырдым. Ол әсте ахырын жүрегимдеги жарақатты шыпалады. Мениң минезим өзгерип баслады. Мен енди мүлайим, жууас болып қалдым. Кудай маған тез тез арқамда қалганларын умытыуды айтар еди. Мен солай қылдым, бирақ хәр сапар қайсыдир жигит қолымды сорағанда, Сол азап өтмишим жүзеге шығар еди. Мен қолымды сораған жигитлерге Ауа деген жууапты бералмадым. Олар қаншама жақсы болмасын, оларды сүйип қалыудан өзимди тыяр едим. Сол уақытларыда. мени хеш нәрсеге қарамастан қабыл ететуғын, мени түсинетуғын, өтмишимди жүзиме баспайтуғыын жигитти ушыратыуды сорадым. Бир куни сол кун келди. Оны ушыраттым. Оған хақыйқатты айтыу ушын узақ дууа еттим. Соннан кейин хәммесин оған айттым. Ол тым тырыс отырып еситти. Оннан кейин ойлап көриуим керек деп кетти. Бул уақыядан кыйландым. Бирақ, Кудайға дууа етиуден, өмиримде болып атырғанларын, Оған тапсырыудан басқа илажым жоқ еди. Мен өмиримди өзгертиуге күшсиз едим. Бирақ Кудай өзгертти. Мен сүйген хәм мени сүйген жигит, қайтып келди. Оның жүзлеринде исеним хәм мухаббаты көрдим.

]]> clean no 3:10 webmaster No no