Assalawma a’leykum esittiriwimizdin’ a’dettegi iqlasbentleri. U’yin’izde Qudaydin’ tinishlig’i yar bolsin. Quday adamdi jaratqan waqitinda olardin’ keleshegin de a’lbette aldinnan rejelestirgen. Quday adamlardi jarilqap, olarg’a: “Ko’beyin’ler! Jer ju’zin toltirin’lar”, -degen edi. Eger insan qa’lese, ha’r bir insan waqit saati kelip turmisqa shig’adi, al erkek adamlar bolsa u’ylenedi.

Eger televizor arqali ko’rsetip atirg’an seriallarg’a diqqat awdarsaq. Bir-birin jaqsi ko’rgenler turmis qurg’aninan keyin, birinshi qilatug’in isleri. Jan’a u’ylengen jas erli-zayiplilardin’ qosilg’an birinshi ayi qalay mazmunli etip o’tiriwdi oylaydi. Aniqrag’i bul haqqinda toydan aldin rejelestiredi. Olardi ko’birek qiynaytug’in soraw, qaerge baramiz, yag’niy qaysi ma’mleketke baramiz dep baslarin qatiradi. Ha’m sog’an ketetug’in ha’rejetti aldinnan rejelestiredi. Bizlerdin’ pikirimizshe olardin’ toylari bizlerdin’ toylarg’a qarag’anda basqasha o’tedi. Bizlerde bunday na’rse bir neshe jilar aldin oylap ta ko’rmegen.

Ha’zirgi zaman o’zgeriwi menen adamlar da o’zgerip atir. Ha’zir bizlerde de birinshi qosilg’an ayin baqsa ma’mleketlerde o’tirip atirg’anlarin ko’riwimiz mu’mkin. Bul a’lbette jaqsi. Bizlerdin’ pikirimizshe bizlerdin’ toy, merekelerimizdin’ ha’dden tis ko’p u’rip-a’detleri bar. Eger bir toyg’a sonsha ko’p ha’rejet ketirmey, u’nemlese ba’lkim bizlerde de jas erli-zayiplilar qay jerlerge bolsa da barip dem alip, birge waqit o’tirip, bir-birin jaqsiraq u’yrenip qaytar edi. Shet ma’mleket bolmasada, o’zimizdin’ ana ju’rtimizda da gozzal jerleri bar. A’hmiyetlisi oni qay jerde o’tiriw emes, al qalay o’tiriw bolip tabiladi.

Biraq bul ha’r bir adamnin’ o’zinin’ qa’lewi boliwi lazim. Qosilg’an birinshi ayin o’tiriw o’zi ne degen? Bizlerdin’ pikirimizshe bul waqitta jas erli-zayiplilar ja’nede bir-birine jaqinlasiw, tanisiw, bir-birin jaqin bilip u’yreniw ushin da paydali eken. Budan tisqari toy ha’m toydan aldin’g’i ta’shwishlerden dem aliw degen eken. Aldinlari jasirinsha ushirasip ju’rgen jaslar endi arqayin erli-zayiptay birge boliw degen. Keleshek o’mirlerin birgelikte rejelestirgeni jaqsiraq ha’m duris dep oylaymiz.

Ko’binese xalqimizda birinshi qosilg’an ayi u’sh ay dep, aytqanlarin sizler de esitken boliwin’iz mu’mkin. U’sh aydan son’ ne? yaq, bizler birinshi qosilg’an ayimiz bir o’mir boliwin qa’leymiz ha’m sonin’ ta’repdarimiz. Qiziq, ne ushin jas birinshi qosilg’an ay dep aytiladi eken? Bizlerdin’ pikirlerimizshe, turmisin’iz bir o’mir jaqsi, mazali o’tsin degen ma’qsette aytilg’an bolsa kerek.

Ha’r qanday adam turmis qurg’aninan son’ Qudaydan shan’arag’i ha’m erli-zayip bir-biri ushin den-sawlig’i, u’yinin’ bereketi ushin Qudaydan sorasa a’lbette usi shan’araqti bereketlep jarilqaydi. Quday u’yin’izge tinishliq bersin dep sizler menen xoshlasamiz. Turmis haqqindag’i sa’wbetimizdi keyingi esittiriwimizde ja’ne dawam etemiz.