Assalawma a’leykum qa’dirli tin’lawshi doslarimiz. Bu’gingi sa’wbetimiz dawaminda sizler menen o’spirimlerdin’ o’mirlerinde bolatug’in ma’seleler ha’m onin’ sheshimleri haqqinda sa’wbetlesemiz. Demek, sa’wbetimiz ata-ananin’ perzentlerine bolg’an mu’na’sebetleri haqqinda boladi. Bul tema bir neshe psixologlar ta’repinen ken’ u’yrenip shig’ilg’an. Bala ta’rbiyasinda ata-ananin’ g’amxorlig’i jetekshi ha’m a’hmiyetli bolip esaplanadi. G’amxorliq yamasa qollap-quwatlawdin’ da’rejesi bala ta’rbiyasina ata-ananin’ qanshelli ku’sh ha’m waqit ajiratiwina baylanisli eken.

Qollap-quwatlawdi ekige ajiratiwimiz mu’mkin: normadan artiq giperprotektsiya ha’m jeterli da’rejede qollap-quwatlamaw gipoprotektsiya dep ataladi eken. Normadan artiq g’amxorliq ha’mde normadan artiq qollap-quwatlawg’a ata-analar ta’repinen ju’da ko’p waqit ajiratiladi. Geyde ata-analar qalip u’lken atasi ha’m kempir apasi perzentlerge ha’dden tis itibar berip, balalardin’ duris ta’rbiya alalmawinin’ sebepshileri bolip qaladi.

Solay etip ta’rbiya olardin’ o’mirinin’ mazmunina aylanip qaladi. Geybir waqitlari onin’ kerisi, qollap-quwatlawdin’ jeterli da’rejede bolmag’an – gipoprotektsiya tu’rinde qanday da bir juwapkerli waqiya bolmag’ansha ata-ananin’ ta’rbiyag’a “qoli tiymeydi” yag’niy waqiti bolmaydi. Perzentlerine duris ta’rbiya beriwdi qa’legen ayirim ata-analar olardin’ ha’r bir basqan qa’deminen xabardar boliw ha’m sol menen birge balalardin’ o’mirinde payda bolatug’in, o’zgertiwge bolmaytug’in qa’telerdin’ aldin aliw ma’qsetinde normani umitadi.

Normadan artiq baqlawdi qa’niyge Artur Pean ata-ananin’ balag’a bolg’an mu’na’sibeti boyinsha minez-xuliqti to’mendegi to’rt parametrde u’yrenedi: 1. Baqlaw: balanin’ is-ha’reketine ta’sir etiwge uriniw. Balanin’ ata-ana talabina g’a’rezli ekenligi da’rejesi aniqlanadi; 2. Ka’malg’a jetiwge talap: ata-ana ta’repinen joqari sezim ha’m ja’miyetlik da’rejedegi waziypalardi orinlawg’a balani ma’jbu’rlew;

3. Mu’na’sibet: perzent penen ata-ananin’ arasinda jeterli mu’na’sibettin’ joqlig’i; 4. Qayirqomliq: ata-analar balag’a qarata qanshelli da’rejede qizig’atug’inliqlarin ko’rsetedi, jaqinliliq, miyir-sha’pa’a’t, onin’ menen birge bolg’an mu’na’sibette baylanista boliw.

Ata-ananin’ balag’a bolg’an baqlaw komponenti eki jol menen u’yrenilgen: avtonom ha’m baqlaw. Ata-ananin’ ha’r qanday ta’rtipli minez-xulqi eki noqat arasindag’i jerdi iyeleydi, sol menen bir qatarda, toliq avtonomiyadan tap ata-ananin’ erkine boysiniwg’a shekem. A’lbette, balalardin’ ta’rbiyasinda olardin’ qa’wipsizligin ta’minlew ushin belgilengen shegaralaw ha’m basqariw kerek boladi.

Qa’niygeyler ata-ana baqlawin bir neshe tu’rge bo’lip u’yrenedi: ta’rtipke saliwshi; normadan artiq avtoritar qa’siyetke iye boliw. Ata-ananin’ talabi birinshiden, balalanin’ waziypasina, balanin’ o’zi neni qiliwina qaratiliwi lazim. Ekinshiden, ata-ananin’ talabi, waziypalar ha’m talaplardin’ normadan artiqlig’i balada psixik jaraqatlaniwg’a alip keliwshi qa’wipti tuwdiradi. Misali, bulardan balanin’ imkaniyatlarina tuwri kelmeytug’in, bala bug’an ju’da joqari juwapkershilik ha’m bul talaplarg’a juwap bere almawi, o’spirim jastag’i balani ruwxiy jaraqatlaydi. Muxaddes Kitapta ata-analarg’a bul haqqinda minanday buyriq berilgen. “Ata-analar, balalarin’izdin’ ashiwin keltirmen’ler. Olardi Iyemizdin’ ta’lim-ta’rbiyasi menen o’sirin’ler” degen.