Muxaddes Kitap hesh qashan o’zgermegen.

A’lbette ko’pshilik adamlarda Muxaddes Kitaptin’ avtori kim? – degen soraw payda boladi. Budan tisqari geybir tanis doslarimiz Muxaddes Kitap o’zgerttirilgen dep aytadi. Eger bizler sizler menen birge Timofeydin’ ekinshi xati, 3 babi 16 ha’m 17 ayatlarin oqip ko’rsek. “Muxaddes Jaziwlardin’ ha’mmesi Qudaydin’ Muxaddes Ruwxinin’ ilhami menen jazilg’an bolip, ta’lim beriw, a’shkaralaw, du’zetiw ha’m haqiyqatliq boyinsha ta’rbiyalaw ushin paydali. Olar tiykarinda Qudaydin’ adami ha’r bir jaqsi iske tayar boliwi ushin jetilisip baradi” – dep aytilg’anin ko’riwimiz mu’mkin. A’lbette Muxaddes Kitap Quday ta’repinen berilgen. Bunin’ ispatin Muxaddes Kitapta ko’p ushratiwimiz mu’mkin.

Misali: ekinshi Patshalar kitabi 23 babi 2 ayat, Eremiya kitabi 1 babi 9 ayat, Salonikalilarg’a jazilg’an xatta bolsa Pavel bilay jazg’an edi: “Sizler Qudaydin’ So’zin bizlerden esitkenin’izde, buni adam so’zi iretinde emes, al Qudaydin’ So’zi iretinde qabil ettin’izler. Bul haqiyqattanda Qudaydin’ So’zi bolg’ani ushin bizlerge ta’sir etip atir. Adamlar bul kitapti Qudaydin’ atinan jaziwi ushin Quday usinday qilg’an edi.

Muxaddes Kitaptin’ jaratiliwi onin’ ushin tan’lang’an adamlar, Ol qa’legen so’zlerdi jazip qaldiriwin orinlag’an bul – Qudaydin’ O’zi. “O’tkeni hesh bir payg’ambarshiliq so’zi adamnin’ qa’lewi menen aytilg’an emes. Al Muxaddes Ruwx ta’repinen basqarilg’an adamalar Qudaydin’ so’zlerin aytqan” – dep jazadi Petrdin’ 2 xatinin’ 1 babi 21 ayatinda. Bul ayat “basqarilg’an” so’zinin’ ma’nisi grek tilinde, kemenin’ dawildin’ ta’sirindegi ha’reketin su’wretlewshi soz’ bolip; Muxaddes Kitap jaziwshilari jazip atig’anlarinda Muxaddes Ruwx ta’repinen “basqarilg’an”. Sonin’ ushin elshi Pavel Korinflilerge jazilg’an 1 xatinin’ 2 babi 13 ayatinda jazg’aninday Muxaddes Jaziwdin’ so’zlerin Quday bergen. Pu’tkil Muxaddes Kitap Muxaddes Ruwx ta’repinen jazilg’an dep aytadi.

Muxaddes Kitap Muxaddes Ruwx ta’repinen jazilg’anin tastiyqlaydi, biraq Quday buni qalay orinlag’anin aniq aship bermeydi. Ol jaziwshilardi sonshelli ilhamlandirg’an bolip, olar Qudaydin’ So’zin jazip alg’an, biraq sol waqitta ha’r birewi o’zinin’ tek g’ana o’zine tiyisli ta’replerin saqlap qalg’an. Misali, Yuxannin’ jazg’anlari Paveldin’ jazg’anlarina uliwma uqsamaydi, biraq Muxaddes Kitap jaziwshilarinin’ ha’r birewinin’ jazg’ani Qudaydin’ So’zi.

Sonin’ ushin da qa’dirli tin’lawshilar, Muxaddes Kitapti o’zgertiw ushin hesh kimnin’ haqqi joq. Eger kimde kim o’zgertpekshi bolsa da, oni o’zgerte almaydi. Quday bug’an jol qoymaydi. Sebebi Ol qu’diretli ha’m ulli, O’zinin’ So’zin qorg’ay alatug’in Quday!