Assalawma a’leykum qa’dirli tin’lawshi tuwisqanlar. Sizler menen ja’ne “Danaliq” radiosinda saw-salamat ushrasip turg’animizdan quwanishlimiz. Muwsa Izrail xalqin Sinay tawinan shiqpastan burin xaliqti sanap shiqti. Jigirma jastan o’tkenlerdi urisqa ilayiqli, jasi u’lken alti ju’z min’ adam bar edi.

Shama menen jigirma jastan kishi, hayal ha’m qartayg’an adamlardi sanag’anda – eki ju’z eliw million edi. Olar jen’ip shig’ip, quwanish penen Qadash-Varnag’a jetip bardi. Ol jerde Izrail xalqi Qanandi tekseriw ushin adamlardi jiberdi. Atalarinan tarag’an ha’r bir uriwdan bir basshidan, on eki adamdi jiberip, qiriq ku’n dawaminda Qanannin’ ha’mme jerin tekserip keldi. Tekseriw na’tiyjesi eki ta’repleme boldi.

Solardan on adam: “Bizler bara almaymiz, olar bizlerden go’re ku’shlirek. Olardin’ qasinda o’zlerimizdi shegirtke siyaqli sezdik…” dedi. Biraq Eshua menen Kaleb qayg’irip kiyimlerin jirtti da, pu’tkil Izrail ja’miyetine bilay dedi: “Bizler kirip ol jerdi basip aliwimiz mu’mkin, Jaratqan Iye bizler menen birge. Olardan qorqpan’lar” – dedi. Biraq adamlar sol on adamdi tin’ladi. Izrail xalqi da ko’pshiliktin’ ga’pine erdi. Pu’tkil ja’miyet olardi tas boran qiliwdi niyet qildi.

Sonda Quday olardin’ isenimsizligin ha’m boysinbawshilig’in hu’kim etti. Sodan keyin Quday olarg’a, endi ha’r bir ku’n ushin bir jildan qiriq jil ayibin’izdin’ jazasin tartasizlar” – dep hu’kim etedi. Muwsa Moab oypatlig’ina jetip barip, o’z xalqin ja’ne bir ma’rte sanaydi. Misrdan shiqqan waqtinda jigirma jastan kishi ha’m sho’lde tuwilg’an jan’a a’wleddan basqa qiriq jil dawaminda jasap kelgen adamlar tek Muwsa, Eshua ha’m Kaleb edi.

“Sanlar” kitabinda bizler o’zlerimizdin’ ku’shimiz benen Qudaydin’ so’zi boyinsha jasawimiz mu’mkin emesligi haqqinda jazilg’an. Sinay tawinda nizamdi alg’an a’wla’ddin’ barlig’i o’lip ketti. Misirdan shiqqanda jigirma jastan kishi balalar, sho’listanda tuwilg’an balalardin’ da nizamdi esitiw ushin imka’ni bolmadi. Sho’listanda qiriq jil waqit o’tkerip, Qanannin’ aldindag’i oypatliqqa jetip barg’aninda Muwsa nizamdi jan’a a’wladqa jetkerdi.

Aradan waqit o’tip Muwsa Qanan ko’rinetug’in Nebo tawinin’ to’besine shig’ip sol jerde qaytis boldi. Nizamnin’ qaytalaniwi kitabinda Qanang’a kiretug’in Izrail xalqi tek Qudaydi eslep boysiniwi kerek ekenligi haqqinda jazilg’an.

Radiomiz iqlasbentleri, sizler menen xoshlaspastan burin, o’zlerimizdin’ elektron ma’nzilimizdi esletip o’tpekshi edim: danaliq.com Sonin’ menen, qa’dirli doslar. Bu’gingi esittiriwimiz o’z juwmag’ina jetti. Xosh saw-salamat bolin’.