Assalawma a’leykum qa’dirli tin’lawshilar. Sizler menen ja’ne radio efir arqali ushrasip turg’animizg’a Iysag’a minnetdarshiliq bildiremiz. Mikrofon aldinda Sarbinaz. “Gu’nalarin’izdin’ keshiriliwi ushin ta’wbe etip, ha’r birin’iz Iysa Masiyxtin’ ati menen suwg’a shomildirilin’lar. Sonda Muxaddes Ruwxti siyg’a alasizlar.
Sebebi bul wa’de sizlerge, sizlerdin’ balalarin’izg’a ha’m alistag’ilardin’ ha’mmesine, yag’niy Qudayimiz Jaratqan Iye shaqirg’an ha’r bir adamg’a berilgen” -dep Elshiler kitabinin’ 2 babi 38,39 ayatlarda jazilg’an.
Bu’gingi esittiriwimiz arqali suwg’a shomildiriliwdin’ tiykarg’i ma’nisin tu’siniw ha’m oni Iyemiz Iysag’a bolg’an iymang’a ta’biyiy juwap ekenligin ko’rsetiw boladi.
“Qudayimiz, bizlerdin’ gu’nalarimiz ushin jalg’iz Ulin’di qurban qilg’anin’a Sag’an minnetdarmiz. Senin’ Muxaddes wa’den’e sadiq ekenin’di bilemiz. Bizler Senin’ jolin’nan barayiq. Bizlerdi sinap, ju’reklerimizdi bilip alg’aysan! Bizlerdi tekser, oylarimizda ha’m ju’reklerimizde qapashiliq, g’azep bar bolsa, O’zin’ alip tasla. Ma’n’gilik jolin’a bizlerdi qarat! Senin’ Patshalig’in’ ma’n’gi bolsin!
Rimlilerge jazilg’an xattin’ 6 babi 1:tap 14 ayatlarin oqip shig’iwin’zidi sizlerge usinamiz. Eger suwg’a shomildiriliw ne ekenin bilmesen’iz. Demek, suwg’a shomildiriliw ne ekenin qisqasha aytip o’temiz.
Bul a’meldi Iysa siz benen bizlerge bergen edi. Ha’tteki, esin’izde bolsa Iyemizdin’ O’zi de Yaqiya payg’ambardin’ aldina barip suwg’a shomildirilg’an edi. Biraq ko’pshilik doslarimiz bul a’meldi naduris tu’sinedi. Budan bizler hesh qanday qapa emespiz.
En’ a’hmiyetlisi Quday O’zine isengen ha’r bir adam ushin ma’n’gilik o’mirdi bergeni siz benen bizlerge ma’lim. Suwg’a shomildiriliwdin’ tiykari Iyemiz Iysa Masiyx penen birge o’lip qayta tirilgendey bolamiz. Yag’niy suwdin’ ishine kirgenimizde tap Iysa Masiyxqa uqsap o’lgen bolip esaplanamiz, suwdan shiqqan waqtimizda bolsa Iyemiz tirilgendey bizler de o’limnen tirilgendey bolamiz. Kim isenip, suwda iyman keltirse, qutqariladi.
“Kim de kim isenip, shomildirilsa, qutqariladi, al kim de kim isenbese, hu’kim etiledi” – dep Mark kitabinin’ 16 babi 16 ayatinda jazilg’an. Hu’rmetli tin’lawshilar, suwg’a shomildirilg’animizda haqiyqattan da Iyemiz Iysag’a iyman ko’rsetip qilayiq. Ha’r bir qilg’an xizmetimiz Qudaydin’ ullilaniwi ushin bolsin. Qa’dirli doslar, usi ma’sele boyinsha sorawlarin’iz yamasa usinislarin’iz bolsa, bizlerge biyma’lel xatlar jazip jibersen’iz boladi. Bizlerdin’ ma’nzilimiz danaliq.com xosh saw-salamat bolin’.
