Assalawma a’leykum “Danaliq” radiosinin’ qa’dirli iqlasbentleri. Sizler menen ja’ne ushrasip turg’animizg’a ju’da quwanishlimiz. Bu’gin mikrofon aldinda sizler menen Sarbinaz. Doslar, bu’gingi esittiriwimiz arqali men sizlerge o’mirde bolg’an bir waqiya haqqinda aytip bermekshimen.

Men sizlerge a’tiraptag’i adamlardin’ Iysa haqqindag’i Xosh Xabardi esitiwlerine ja’rdem berip, Iysag’a ju’da maqul bolg’an bir bala haqqinda aytip bermekshimen. Bul bala oqiwdi bilmegen, sebebi onin’ ko’zleri ko’rmeytug’in edi. Ol Yava atli araldin’ Iysa haqqinda bir adam ha’m bilmeytug’in awilda jasaytug’in bolg’an. Bir ku’ni u’lken qaladag’i ibadatxananin’ shopani sol awilg’a baradi ha’m sol jerde Xosh Xabar aytadi.

Soqir bala o’zinin’ gu’nakar ekenin biletug’in edi, sebebi ol ko’p o’tirik so’yletug’in, aldaytug’in, urisatug’in ha’m ko’p ga’zeplenetug’in edi. Biraq ol Xosh Xabardi esitip Og’an esenedi ha’m Iyemiz Iysa oni o’zgertedi. Bul bola Iysa ushin bir na’rse qiliwdi qa’leydi. Ol Qudaydan ne qiliwin aytiwdi soraydi. Ol shopannin’ aldina barip, odan Muxaddes Kitap beriwin soraydi. Shopan odan oni ne qilajag’in biliwge ha’reket etedi.

Bala bilay juwap beredi: “A’y, bul o’zim ushin emes. Men oni doslarima ha’m qon’silarima bermekshimen, olar da Iysa haqqinda biliwin qa’leymen”. Ol tap solay isleydi. Ol Muxaddes Kitapti na’wbet penen doslarina ha’m oni oqiwdi qa’legen barliq adamlarg’a berip shig’adi. Ha’dden tis ko’p isletilgeninen Muxaddes Kitaptin’ betleri qayrilip, jirtilip ketedi. Bir ku’ni bul kitap awil aqsaqalinin’ qolina tu’sip qaladi.

Ol oni bir ma’rte oqiydi, son’ ja’ne bir ma’rte. Ol Iysa haqqinda esitiwdi qa’leydi. Bir ku’ni ol qalag’a barip, ol jerde ruwxiy ko’pshilikke arnalg’an kitapsha satip aladi. Son’ awilg’a shopandi shaqiradi ha’m bul shopannin’ wazlig’in esitiwi ushin ju’zlegen adamlardi shaqiradi. Tez arada bul awilda 60 adam Iyemiz Iysani jeke Qutqariwshim dep qabil etedi. Ha’zir ol jerde ibadatxana da bar.

Solay etip, Quday sol bala arqali usinday ka’ramatlar ko’rsetedi. Quday aqshag’a mu’ta’j emes, kerisinshe, Og’an adamlardin’ ju’rekleri kerek. Sen menen men de Xosh Xabar aytsaq, olardi Iysag’a alip kele alamiz. Awa, Iyemiz Iysag’a tiyisli bolg’an ha’r bir adam qutqariliw tuwrali bul Xosh Xabardin’ tarqaliwina ja’rdem bere aladi. Kelin’ler, bizler tez-tez Qudaydin’ So’zin eslep turamiz: “Men tez arada kelemen …” dedi Iysa.

Bizlerdin’ Iyemiz, Iysa Masiyx mehriban ha’m miyrim-sha’pa’a’tli. Ol bizlerdi su’yedi. Ol bizler menen ma’n’gi birge bolawimizdi, Onin’ quwanishi ha’m siylari menen bo’lisiwimizdi qa’leydi. Hu’rmetli tin’lawshilar, o’z pikirlerin’izdi bizlerdin’ elektron ma’nzilimizge jollasan’iz boladi. Bizlerdin’ ma’nzilimiz danaliq.com ja’nede ushrasqansha xosh saw bolin’.