Assalawma a’leykum qa’dirli doslar. Sizler menen ja’ne ushrasip turg’animizdan quwanishlimiz. Gey bir tuwisqanlarimizdin’ aytiwinsha, masiyxiy o’mirde jasaw biraz qiyinraq eken.

“Ne ushin olardin’ oylarinda bunday pikir bar eken?” degen soraw payda boladi. A’welem bar, eger adamlar Qudayg’a isenip ha’m o’zlerin Qudayg’a toliq tapsirmasa, eski o’mirdegi bazi bir a’detler ha’mme waqit hu’jim etip turadi. Bul bolsa Shaytan ushin ju’da qolay imka’niyat eken.

Masiyxiy o’mir, ol tinish, quwanishli ha’m aniq bir ma’qsetke qaratilg’an o’mir esaplanadi. Iysa, Yuxanna kitabinin’ 10:10 ayatinda bilay degen: “Men olar o’mirge iye boliwi ushin, da’wletli o’mirge iye boliwi ushin keldim.”

Duris, awir qiyinshiliqlarg’a tu’sip, ta’shwishlenip ju’rgen masiyxiy tuwisqanlarimiz ha’m bar bolg’an. Jan’a Kelisimde Xosh Xabarshi Pavel ha’m Silanin’ Filippide tu’rmede bolg’an waqitlarin ko’z aldin’izg’a keltirsen’iz boladi. Olardi urip, tewip, azaplap tu’rmenin’ ishki to’rine qamap, ayaqlarin kisenlep qoyg’an. Sonda da olar Qudaydi alg’islag’an. Olar o’zlerine emes, al o’zleri su’ygen ha’m xizmet etetu’g’in tiri Qudayg’a isengen.

Sizler Masiyx ushin o’liwim kerek dep oylaman’lar, kerisinshe ol ushin jasawdi oylan’lar. Masiyx ushin jasaw o’zi ne degen? Masiyx ushin jasaw bul birinshi orinda Oni tin’law, Og’an qulaq saliw bolip tabiladi. Eski a’detler ha’m eski o’mirden toliq ju’z buriw degen. Ha’r ku’ndi, qanday qiyin bolmasin oni quwanish ha’m sadiqliq penen o’tkeriwge ha’reket eteyik. Bir birimizge Iysanin’ su’yispenshiligi ha’m miyrim sha’pa’a’ti menen qarim qatnasta bolayiq. Ha’r bir atqan ku’nimizdi Jaratqan Iyemizdin’ Muxaddes So’zi menen jasawg’a ha’reket eteyik.

Basqa doslarimiz ha’m jaqin adamlarimizdin’ qutqariliwi kerek ekenligi haqqinda ha’m oylawimiz kerek. Buni o’zimizdin’ shan’arag’imizdan ha’m baslasaq boladi. Qa’dirli doslar usinin’ menen sizler menen ha’zirshe xoshlasamiz. Bizlerdin’ elektron ma’nzilimiz www.danaliq.com Doslar usi ma’nzilde sizlerdin’ pikirlerin’izdi ku’tip qalamiz.