Assalawma a’leykum hu’rmetli ata-analar. Sizler ushin balalar ta’rbiyasi haqqindag’i esittiriwimiz ja’ne efirde. Qa’dirli ata-analar, perzentlerimizdin’ bizlerden birinshi orinda ku’tetug’in na’rsesi bul su’yispenshilik bolip tabiladi. Duris, balalarimiz bir gezleri aytqanlarimizdi tin’lamay tez-tezden ashiwimizdi shig’arip turadi. Misali, azanda uyqlap turip, balalar bag’shasina yamasa mektepke barmayman dep jilasa, ha’r qanday ata-ananin’ sabiri jetpey qaladi. Usinday waqitlari o’zin’izdi qolg’a alip duwa etin’ler.
Sebebi bizlerge sabir beriwshi Jaratqan Iyemiz bar. Perzentlerimiz ushin ha’r ku’ni duwa etiwimiz lazim, Quday olardin’ tarbiyasin jaqsi ta’repke o’zgerttiriwin sorawimiz kerek. Ata-analar balasin shin ju’rekten su’yse demek, balasinin’ ta’rbiyasi olardi ha’mme waqit oylantiradi. Perzentlerin’izge qiziq bolg’an na’rselerdi tu’sindiriwden hesh qashan erinben’. Olar menen ha’mme waqit so’ylesin’, olarg’a waqit ajratin’. Olar menen oynawg’a erinben’. Sebebi ha’r bir bala ata-analarinan usi na’rselerdi ku’tedi. Eger balalarin’iz benen birge oynasan’iz olar qatti quwanadi. Olarg’a Muxaddes Kitaptag’i qaharmanlar tuwrali aytip berin’ ha’m olardin’ pikirlerin tin’lan’.
Muxaddes Kitaptan ayatlar oqip berin’ ha’m Qudayg’a bolg’an olarda su’yispenshilikti oyatin’. Ha’zirgi ku’nde balalardin’ ta’rbiyasi awirlasip baratirg’anin seziwge boladi. Bunin’ sebepleri ko’p. Misali, balalarimizdin’ ta’rbiyasina jaman ta’sir etetug’in kitaplar, filmler, ha’r turli kompyuter oyinlar balalarimiz nelerdi qa’lese olarg’a tabilip atir. Hesh bolmasa ko’shedegi doslarinan tabadi.
Qa’dirli ata-analar Muxaddes Kitapta bilay jazilg’an: “Siz ata-analar, perzentlerin’izdin’ ashiwilarin keltirmen’ler. Olardi Iyemizdin’ ta’lim ta’rbiyasi menen o’sirin’ler”. Eger bizler balalarimizdin’ o’mirlerin Qudaydin’ qollarina isenip tapsirsaq, Ol perzentlerimizdi shaytannin’ jaman niyetlerinen ha’m jawizliqlarinan saqlaydi. Sebebi Ol ulli ha’m qu’diretli Qudayimiz. Ol perzentlerimiz benen birge boliwdi qa’leydi. Doslar, kelin’ balalarimizg’a Jaratqan Iyemiz ha’m Onin’ su’yispenshiligi menen birgelikte ta’rbiya bereyik.
