Assalawma a’leykum doslarim. Siz qa’dirli tin’lawshi doslarimiz benen ja’ne efir arqali ushrasip turg’animiz ushin minnetdermiz. Doslar, kelin’ bu’gingi esittiriwimizdi ha’r ku’ni paydalanatug’in ayna tuwrali so’ylesemiz.

Sebebi a’piwayi ayna ha’r bir masiyxiy adamg’a jan’a ruwxiy paydali na’rselerdi u’yreter eken. Misali, sizler aynag’a qarag’anin’izda neni ko’resiz? A’lbette, bizler o’zlerimizdi ko’remiz. Basqa adamlar sizge qarag’anda neni ko’rse, ayna ha’m soni ko’rsetedi. Biraq Jaratqan Iyemiz sizlerge adamlar qarag’anday qaramaydi. Ol sizlerdin’ tek g’ana sirtqi ko’rinisin’izdi emes, al ishki ko’rinisin’izdi de ko’re aladi. A’dette adamlar ayna neni ko’rsetse soni ko’redi, shashlarin’iz qanday bolip turg’anin ha’m qalay juwilg’anlig’ina shekem. Biraq Jaratqan Iyemiz oylarin’iz taza yamasa patas ekenligin de ko’re aladi. Ol sizdin’ ha’r bir oyin’izdi biledi. Quday A’kemiz siz tuwrali ha’mme na’rseni biledi. Eger Quday ha’mme na’rselerdi bilse, onda Ol ne ushin bizler menen so’yleskisi keledi? Bunin’ bir sebebi bar shig’ar. Ol sizlerdi su’ygenligi ushin dep oylap atirg’an shig’arsiz?

Bizler duwa etkenimizde ku’shli isenim menen duwa etiwimiz kerek. Quday ha’mme na’rseni wa’de etkenindey qiladi. Bizler ha’mme waqit keshirim beriwimiz kerek. Mark jazg’an Xosh Xabarda 11: 25 ayatinda Iysa sha’kirtlerine keshirim beriw haqqinda aytqan. Iyemiz Iysa “…duwada isenim menen sorasan’iz, a’lbette erisesizler!” degen. En’ a’hmiyetlisi bizler Qudaydan gu’nalarimizdi keshiriwin sorawimiz kerek. Sonda Iyemiz Iysani Qutqariwshim dep qabil ete alamiz. Quday bizlerdin’ Og’an jeke kelip, Ol menen so’ylesiwimizdi qa’leydi. Qa’dirli doslar, egerde sizlerdin’ sorawlarin’iz yamasa pikirlerin’iz bolsa bizlerdin’ danaliq.com elektron ma’nzilimizge jiberin’. Xosh saw aman bolin’.